У свеце працягвае шырыцца новы гепатыт невядомага паходжання: якія сімптомы не варта ігнараваць?
У свеце працягваюць рэгістраваць выпадкі новага невядомага гепатыту, прычыны ўзнікнення якога да канца не вывучаныя. Найбольш уразлівымі для новай хваробы апынуліся дзеці ва ўзросце ад аднаго месяца да 16 гадоў, некаторыя з іх займелі патрэбу ў перасадцы пячонкі.
Па стане на 17 мая ў свеце былі зарэгістраваныя 522 выпадкі захворвання на востры гепатыт невядомага паходжання, і колькасць выпадкаў, паводле звестак СААЗ, мае тэндэнцыю да росту.
Цяпер лекары не могуць даць адназначнага адказу аб прычынах узнікнення захворвання, аднак пакуль вядома, што вірусы гепатыту A, B, C, E і D не звязаныя з новай хваробай. Таксама не ўплывае на ўзнікненне хваробы і фактар міжнародных паездак ды кантакты людзей з розных краін.
Пакуль што асноўная парада для бацькоў — уважліва сачыць за здароўем дзяцей і звяртацца па дапамогу, калі з'явіліся прыкметы паражэння пячонкі: мача стала цёмнай; кал набыў светлы колер; чэшацца скура; з'явілася жаўтуха; баліць жывот; дзіця стомленае; дзіця страціла апетыт; паднялася тэмпература.
Увогуле ж сёння гепатыты паддаюцца лячэнню і не ўяўляюць пагрозы жыццю, калі своечасова звярнуцца да лекараў.
Чытайце таксама:
У дзяцей у 12 краінах зафіксавалі гепатыт невядомага паходжання. Адно дзіця памерла
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны3
Каментары