Рэцэпт на выхадныя. Дыетычныя чызкейкі — такія лёгкія і простыя ў гатаванні
У гэтых міні-чызкейках няма звыклага пясочнага цеста і густых вяршкоў, але гэта не робіць іх горшымі за традыцыйны чызкейк. Упрыгожце іх свежымі ягадамі — і вы атрымаеце цудоўны і лёгкі летні дэсерт.
Фота: BBC Food
Каб згатаваць дыетычныя міні-чызкейкі, вам спатрэбіцца:
- 1 сталовая лыжка рапсавага алею + алей для змазвання форм,
- 60 грамаў мёду,
- 120 грамаў аўсяных шматкоў,
- палова чайнай лыжкі молатай сумесі спецый для выпякання,
- 300 грамаў абястлушчанага грэчаскага ёгурту,
- 300 грамаў сметанковага сыру з паніжаным працэнтам тлустасці,
- 2 чайныя лыжкі ванільнага экстракту ці адпаведная колькасць ваніліну ў іншай форме,
- цэдра паловы лімона,
- 1 сталовая лыжка белага цукру ці падсалоджвальніка (напрыклад, стэвіі),
- 1 сталовая лыжка трысняговага цукру,
- 1 сталовая лыжка крухмалу,
- 2 яйкі,
- 120 грамаў клубніц (трэба іх вымыць, выдаліць з іх пладаножкі і разрэзаць кожную ягаду на 4 часткі).
- Разагрэйце духоўку да 170 градусаў. Падрыхтуйце форму для кексаў з 12 выемкамі і змажце яе алеем.
- Пакладзіце 1 сталовую лыжку алею і мёд у сацейнік і разагравайце сумесь, пакуль яна не стане цёплай і вадкай. Зніміце сацейнік з агню і дадайце ў сумесь шматкі і спецыі, перамешвайце, пакуль сумесь не стане аднароднай. Раскладзіце сумесь у выемкі ў форме і прыцісніце яе, каб атрымалася цвёрдая аснова для чызкейкаў. Адстаўце ўбок.
- У вялікай місцы змяшайце ёгурт, сыр, ванільны экстракт, цэдру, два віды цукру і крухмал. Дадайце ў сумесь яйкі і перамяшайце ўсё да аднастайнасці. Раўнамерна раскладзіце крэм на аўсяную аснову ў формы.
- Выпякайце чызкейкі 15 хвілін або пакуль крэм не пачне крыху застываць (у выніку верхні слой павінен крыху калыхацца). Адстаўце чызкейкі ўбок, каб яны астуджаліся пры хатняй тэмпературы.
- Акуратна дастаньце чызкейкі з формаў і ўпрыгожце іх клубніцамі. Адразу ж падавайце іх або перакладзіце ў халадзільнік і захоўвайце ў закрытай ёмістасці да трох дзён.
Рэцэпт на выхадныя. Курыная піката — сакавітае мяса з сырам і травамі
Рэцэпт на выхадныя. Англійскія аладкі піклеты — новы варыянт смачнага сняданка
Цяпер чытаюць
«Ужо там кароў не засталося!»: былы начальнік Качанавай аплаквае стан эканомікі на Полаччыне20
Каментары