Хто падаўся на спецыяльнасць, якую імаверна абраў Мікалай Лукашэнка? Ёсць цікавая дэталь
Днямі «Наша Ніва» пісала, што Мікалай Лукашэнка падаў дакументы ў БДУ. Мяркуецца, што ён абраў біялагічны факультэт, спецыяльнасць «біятэхналогіі». Вось што вядома пра абітурыентаў, якія туды паступаюць.
Паводле інфармацыі на сайце БДУ, на гэтую спецыяльнасць сёлета падаліся 65 абітурыентаў. План прыёму — 40 чалавек на бюджэт і 20 на платнае (на гэтую форму навучання выпускнікі школ яшчэ могуць падаць дакументы).
Найменшая колькасць балаў, з якімі прыносілі дакументы, — каля 246-250 балаў. Два найлепшыя абітурыенты паступалі, маючы ад 366 да 370 балаў.
Што цікава — адзін з падлеткаў паступае па-за конкурсам.
Такую магчымасць маюць, напрыклад, сіроты, нядаўнія салдаты тэрміновай службы з рэкамендацыйным лістом (калі яны ідуць на першую «вышку») ці дзеці, якія ў год прыёму ці папярэдні занялі прызавыя месцы на афіцыйных чэмпіянатах Беларусі, сталі пераможцамі ў афіцыйных фіналах кубкаў, першынстваў ці Алімпійскіх днях моладзі.
Рэктар меда выдыхнуў: Мікалай Лукашэнка падаў дакументы ў БДУ, імаверна на біяфак
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары