«Нам патрэбная толькі наша перамога». Аляксандр Дугін пракаментаваў смерць дачкі
Бізнэсмен Канстанцін Малафееў, праз якога ўлады Расіі фінансуюць дзейнасць расійскіх ультранацыяналістаў і неанацыстаў, апублікаваў у сябе ў тэлеграм-канале заяву філосафа Аляксандра Дугіна ў сувязі са смерцю яго дачкі.
Дугін заявіў, што яго дачка Дар'я загінула «у выніку тэракту, ажыццёўленага нацысцкім украінскім рэжымам».
«Ворагі Расіі яе подла, цішком забілі. Але нас, наш народ не зламаць нават такімі невыноснымі ўдарамі. Яны хацелі здушыць нашу волю крывавым тэрорам супраць самых лепшых і самых уразлівых з нас. Але яны свайго не даб'юцца. Нашы сэрцы прагнуць не проста помсты або адплаты. Гэта занадта дробна, не па-руску. Нам патрэбная толькі наша перамога. На яе алтар паклала сваё дзявочае жыццё мая дачка. Дык перамажыце, калі ласка! Мы хацелі выхаваць яе разумніцай і героем. Хай і цяпер яна натхняе сыноў нашай Айчыны на подзвіг», — заявіў Дугін.
Дарадца кіраўніка офіса прэзідэнта Украіны Міхаіл Падаляк 21 жніўня катэгарычна адхіліў абвінавачванні на адрас украінскага боку аб датычнасці да выбуху. На яго думку, забойства Дугінай сведчыць пра тое, што розныя групоўкі ўнутры Расіі вядуць барацьбу за ўладу. Сёння ФСБ заявіла пра тое, што падрыў машыны здзейснены ўкраінскімі спецслужбамі.
Чытайце таксама:
ФСБ сцвярджае, што раскрыла забойства Дар’і Дугінай
«Дугін меў ехаць на гэтай машыне, але сеў у іншую». Узарвалі дачку ідэолага расійскага імперыялізму Дугіна
Захад, Украіна, Крэмль, Лукашэнка? Хто можа стаяць за забойствам Дар'і Дугінай?
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку21
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары