Італьянскія навукоўцы пабудавалі першы ў Еўропе «вадародны» дом
Даследчыкі з Універсітэта Санніа (Італія) пабудавалі першы ў Еўропе дом, ацяпленне і электроніка ў якім працуюць на вадародных паліўных элементах. Яны выпрацоўваюць электрычнасць і цяпло, неабходныя для поўнага задавальнення патрэбаў будынка.
Акрамя таго, будынак абсталяваны сонечнымі батарэямі і геатэрмальнымі крыніцамі энергіі.
Такім чынам, гэты дом не вырабляе больш парніковых газаў, чым навакольная прырода (напрыклад, дрэвы) здольная паглынуць. У «вадародным» доме будуць жыць студэнты, а навукоўцы, у сваю чаргу, правядуць ацэнку перспектыў такога жылля для больш маштабнага будаўніцтва.
«На выгляд гэта звычайны дом, усё працуе як трэба, у студэнтаў ёсць усё неабходнае, каб адчуваць сябе камфортна, — перадае з італьянскага горада Беневента карэспандэнт Euronews. — Але на самай справе гэты дом зусім не звычайны, у тым сэнсе, што на нашых вачах ідзе эксперымент, які, магчыма, вызначыць будучыню: будынак сілкуецца ад вадародных паліўных элементаў».
У апошнія гады Еўропе і пачалі актыўна выкарыстоўваць вадарод і ў транспартнай сферы. Напрыклад, у Германіі адкрылася першая чыгуначная лінія з вадароднымі цягнікамі.
У сваёй нядаўняй прамове «Аб становішчы Саюза» старшыня Еўракамісіі Урсула фон дэр Ляен абвясціла аб стварэнні Еўрапейскага вадароднага банка, які інвестуе да 3 мільярдаў еўра ў вытворчасць, захоўванне і транспарціроўку аднаўляльнага і нізкавугляродзістага вадароду, а таксама ў распрацоўку інавацыйных тэхналогій для інтэграцыі вадароду ў прамысловыя працэсы ў самых розных галінах.
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары