Дзве сістэмы, дастаўленыя ў Кіеў, страляюць звычайнымі ракетамі класа «паветра-паветра» і могуць значна дапамагчы на полі бою.
NYT паведамляе, што Украіна атрымала першую партыю сучаснай супрацьпаветранай зброі. Гэта сістэмы, вядомыя як NASAMS — Нацыянальная ўдасканаленая зенітна-ракетная сістэма, якая вырабляецца сумесна ЗША і Нарвегіяй.
Яна ўключае ў сябе радар, датчыкі, пускавыя ўстаноўкі, якія могуць быць загружаныя шасцю ракетамі ў кожную, і мабільны камандны цэнтр, дзе салдаты могуць сачыць за паветранымі пагрозамі. Кожны кампанент можна буксіраваць ці хутка перамяшчаць у кузаве грузавіка.
Прадстаўнік Пентагона кажа, што NASAMS можа абараніць амаль ад любога тыпу паветранай пагрозы, якія толькі могуць сыходзіць ад Расіі.
Сістэма можа быць асабліва карыснай для Украіны, улічваючы, што наземная пускавая ўстаноўка можа страляць адносна недарагімі ракетамі. Прычым саюзнікі Кіева маюць ракеты, прыдатныя для NASAMS, у вялікай колькасці.
Look who’s here!
NASAMS and Aspide air defence systems arrived in Ukraine!
These weapons will significantly strengthen #UAarmy and will make our skies safer.
We will continue to shoot down the enemy targets attacking us.
Thank you to our partners: Norway, Spain and the US. pic.twitter.com/ozP4eXhgOg
Дзясяткі ўкраінскіх вайскоўцаў нядаўна скончылі навучанне ў Нарвегіі па эксплуатацыі і абслугоўванні сістэмы. Першыя два NASAMS, дастаўленыя ў Кіеў, ужо заступілі на баявое дзяжурства, але колькасць пускавых установак у складзе кожнай з іх невядомая.
Гэта зброя звычайна адносіцца да таго, што ваенныя называюць сістэмай супрацьпаветранай абароны сярэдняга радыусу дзеяння. Яна мае меншы радыус дзеяння, чым больш буйныя і дарагія сістэмы, такія як ракетны комплекс Patriot.
Такім чынам, хаця NASAMS можа збіваць беспілотнікі, верталёты, рэактыўныя самалёты і крылатыя ракеты, ён не лічыцца эфектыўным супраць балістычных ракет таго тыпу, які Расія, як паведамляецца, спрабуе набыць у Ірана.
***
Пускавая ўстаноўка здольная страляць чатырма рознымі ракетамі амерыканскай вытворчасці, у тым ліку AIM-9X Sidewinder з цеплавым навядзеннем і ўдасканаленай ракетай «паветра-паветра» сярэдняй далёкасці AIM-120.
Гэтых ракет шмат на складах вайскова-паветраных сілаў ЗША, краін NATO ды іншых партнёраў.
Сістэма NASAMS з'яўляецца адной з тых, якія разглядаюцца ў якасці асновы Еўрапейскага нябеснага шчыта, праекта 15 еўрапейскіх краін на чале з Германіяй, якія будуць закупляць розныя ракеты для абароны ад патэнцыйнага ваеннага ўварвання Масквы.
Пускавыя ўстаноўкі, якія прыбылі ва Украіну, з'яўляюцца часткай пакета дапамогі ў памеры 770 мільёнаў долараў, аб'яўленага Пентагонам 1 ліпеня. У жніўні Пентагон абвясціў, што выдзеліць Украіне грошы на набыццё яшчэ шасці ўстановак і дадатковых ракет для стральбы з іх.
«NASAMS не будзе здольная абараніць неба над усёй Украінай, але гэта значна павялічыць здольнасць абараняць ключавыя раёны», — кажа прадстаўнік Пентагона. «І Украіне трэба больш, чым тыя два блокі, якія яны цяпер маюць».
Цяпер чытаюць
Хто тыя 17‑гадовы блогер і яго 37‑гадовая нявеста, якія шыкоўна жылі на грошы са збору на хворае дзіця?34
Каментары