Дэпутаты прынялі ў першым чытанні законапраект аб Усебеларускім народным сходзе
Палата прадстаўнікоў Нацыянальнага сходу 20 снежня прыняла ў першым чытанні праект закона «Аб Усебеларускім народным сходзе», паведамляе прэс-служба парламента.
Законапраект змяшчае палажэнні, накіраваныя на комплекснае вызначэнне парадку фарміравання Усебеларускага народнага сходу і рэалізацыі ім сваіх паўнамоцтваў, прынцыпаў і арганізацыйных асноў яго дзейнасці, механізмаў разгляду пытанняў, аднесеных да кампетэнцыі УНС.
«Законапраектам таксама прапануецца замацаваць прававы статус дэлегата УНС, яго правы і абавязкі, падставы спынення яго паўнамоцтваў, у тым ліку датэрміновага. Пры гэтым законапраект улічвае канцэптуальныя падыходы да фарміравання і дзейнасці УНС, яго структуры, кампетэнцыі, паўнамоцтваў яго органаў, устаноўленыя Канстытуцыяй Рэспублікі Беларусь», — паведаміла прэс-служба парламента.
Прадугледжваецца, што да канца года законапраект будзе прыняты ў другім чытанні, бо гранічны тэрмін для прыняцця законапраекта — сакавік.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары