Міністэрства абароны Расіі ў аўторак заявіла, што ракетныя і паветраныя ўдары, нанесеныя на ўсходзе Украіны, знішчылі «дзве стартавыя рампы для рэактыўных сістэм залпавага агню HIMARS амерыканскай вытворчасці».
Па паведамленнях расійскага ведамства, усяго ўжо было знішчана ці пашкоджана 35 сістэм, хаця пастаўлена Украіне толькі 20.
Прадстаўнік па пытаннях нацыянальнай бяспекі ЗША Джон Кірбі ў размове з журналістамі ў сераду заявіў: «Я бачыў расійскія заявы, у адказ на гэта мы не маем ніякай інфармацыі, якая пацвярджала б гэтае паведамленне.
Давайце будзем шчырымі. Гэта вайна Расіі супраць Украіны. І Пуцін можа колькі заўгодна сцвярджаць, што гэта нейкая барацьба супраць Захаду, што гэта жыццёва важна для яго бяспекі, што гэта ЗША супраць Расіі, што гэта НАТА супраць Расіі — мы ўсе ведаем, што гэта поўнае глупства».
Цяпер чытаюць
Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы16
Каментары