Пра смерць пінскага актывіста Алеся Аўсеенкі паведамілі на фэйсбук-старонцы руху «За Свабоду».
Фота: media-polesye.by
Алесь Аўсеенка быў адным з заснавальнікаў і шматгадовым сябрам руху «За Свабоду», вядомым пінскім актывістам. А пачаў удзельнічаць у незалежніцкім і апазіцыйным руху задоўга да таго.
З 1990 па 1999 гады ён быў дэпутатам Пінскага гарадскога савета.
Аўсеенка быў пастаянным удзельнікам апазіцыйных рэжыму Лукашэнкі мерапрыемстваў у Пінску, яго неаднаразова за гэта судзілі. У 2017 годзе, падчас суда за ўдзел у «недармаедскіх» акцыях, ён дамогся, каб працэс вёўся па-беларуску.
Развітанне з Алесем Аўсеенкам адбудзецца 6 студзеня, у пятніцу, у 12:20—12:30 на Пасяніцкіх могілках.
Каментары