ЗША афіцыйна абвясцілі ПВК «Вагнер» транснацыянальнай злачыннай арганізацыяй
Пра абвяшчэнне ПВК «Вагнер» транснацыянальнай злачыннай арганізацыяй паведамляецца на сайце Міністэрства фінансаў ЗША.
«Сённяшнія пашыраныя санкцыі супраць групы «Вагнера», а таксама новыя санкцыі супраць іх саўдзельнікаў і іншых кампаній, якія спрыяюць развіццю расійскага ваеннага комплексу, яшчэ больш абмяжуюць магчымасці Пуціна па ўзбраенні і забеспячэнні сваёй вайсковай машыны», — заявіла міністарка фінансаў ЗША Джэнет Елен.
Мінфін ЗША таксама ўвёў санкцыі ў дачыненні да людзей і кампаній, якіх звязваюць з ПВК «Вагнер», а таксама шэрагу кампаній расійскага вайскова-прамысловага комплексу. У санкцыйны спіс сярод іншага трапілі кіраўнік Мінпрамгандлю Расіі Дзяніс Мантураў і кіраўнік Татарстана Рустам Мініханаў.
Улады ЗША анансавалі сённяшняе рашэнне супраць ПВК «Вагнер» 20 студзеня.
Каментары
Террористы должны понимать что каждый день и ночь у них могут быть последними.