Школьнікі з Тэнэсі стварылі новую рабатызаваную руку свайму аднакласніку
Па словах хлопца, гэты падарунак змяніў яго жыццё.
На першы погляд, 15-гадовы Серджыа Перальта з'яўляецца звычайным вучнем амерыканскай сярэдняй школы горада Хендэрсанвіл, штат Тэнэсі. Але ў хлопца ёсць свой незвычайны сакрэт.
Сэрджыа жыве з прыроджанай паталогіяй: яго правая рука не да канца сфармаваная. Таму хлопец навучыўся пісаць і выконваць іншыя дзеянні толькі левай рукой, а ў школе ўвогуле імкнуўся хаваць сваю хворую руку.
«У першыя дні ў школе мне, па праўдзе кажучы, хацелася схаваць руку у надзеі, што ніхто не даведаецца», — сказаў Серджыа ў інтэрв'ю агенцтву CBS News.
Аднак яго настаўніца раскрыла гэты сакрэт і прапанавала аднакласнікам хлопца з інжынернага класа стварыць яму новую механічную руку. Тыя ахвотна пагадзіліся.
«Трэба быць вынаходнікам, прыдумляць новыя ідэі, вырашаць праблемы і проста рабіць рэчы лепшымі, чым яны былі да гэтага», — упэўненая Лэслі Джараміла, настаўніца Сэрджыа.
Невялікі інжынерны клас вучняў выдаткаваў чатыры тыдні на праектаванне, 3D-друк і вызначэнне памераў ручнога пратэза, каб ён падыходзіў хлопцу.
Пасля месяца працы аднакласнікі праверылі, як Сэрджыа пры дапамозе новай рукі спраўляецца з гульнёй у мяч, хобі, якое калісьці было для яго недасягальным.
«Пасля 15 гадоў жыцця без рукі я адчуў па-сапраўднаму крутыя адчуванні. Быццам маё жыццё змянілася», — падзяліўся хлопец.
Чытайце яшчэ:
Навукоўцы змаглі спыніць працэс старэння ў мышэй і навучыліся кіраваць гэтым працэсам. А што наконт людзей?
Разумная бытавая тэхніка можа перастаць працаваць ужо праз два гады
У Google Maps можна схаваць часткі вашага дома, якія вы не хочаце, каб бачылі чужыя — вось як гэта зрабіць
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць24
Каментары