39-ы прэзідэнт ЗША Джымі Картэр, якому цяпер 98 гадоў, адмовіўся ад далейшага лячэння пасля некалькіх шпіталізацый. Пра гэта паведаміў Цэнтр Картэра ў твітары.
Былы прэзідэнт ЗША вырашыў правесці рэшту жыцця дома ў Плэйнсе (штат Джорджыя), «атрымліваючы хоспісны догляд замест дадатковага медыцынскага ўмяшання».
Сям'я Картэра заявіла, што цалкам падтрымлівае яго. Сваякі папрасілі паважаць права былога прэзідэнта на асабістае жыццё, гаворыцца ў паведамленні.
Як адзначае The New Times, раней у Картэра дыягнаставалі меланому, якая дала метастазы ў печань і мозг. Пасля курса лячэння ў канцы 2015 года былы прэзідэнт абвясціў, што перамог рак. У наступныя гады Картэр неаднаразова трапляў у бальніцу з-за пераломаў пасля падзенняў. З якімі хваробамі звязана цяперашняе рашэнне былога прэзідэнта, не паведамляецца.
Джымі Картэр быў прэзідэнтам ЗША ў 1977—1981 гадах, ён абіраўся ад Дэмакратычнай партыі. У 2002 годзе яму прысудзілі Нобелеўскую прэмію міру за міратворчую дзейнасць.
У 2019 годзе Картэр стаў самым доўгажывучым прэзідэнтам у гісторыі ЗША, перажыўшы двух сваіх паслядоўнікаў — Рональда Рэйгана і Джорджа Буша-старэйшага.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары