Пра стан усіх дзевяці пацярпелых у аварыі на аўтадарозе Р-69 паблізу горада Смалявічы, распавёў галоўны пазаштатны хірург-трансплантолаг Міністэрства аховы здароўя, доктар медыцынскіх навук НАН РБ Алег Румо.
«Усе пацыенты, якія пацярпелі ў гэтай страшнай аварыі, знаходзяцца ў вядучых лячэбных установах. Шэраг пацыентаў знаходзіцца ў цяжкім стане. За іх жыццё працягваецца барацьба і медыкі робяць усё магчымае», — расказаў Алег Румо.
«Гэта трое пацыентаў з цяжкой спалучанай траўмай, дзе пераважаюць траўмы органаў брушной поласці і адзін пацыент, у якога пераважае траўма чэрапа — цяжкая чэрапна-мазгавая траўма. Астатнія пяць пацыентаў знаходзяцца ў стабільным стане, яны пакуль знаходзяцца ў аддзяленні інтэнсіўнай тэрапіі, але па меры іх выздараўлення яны будуць пераведзеныя ў звычайныя саматычныя аддзяленні. Траўмы ўсе спалучаныя, пашкоджаныя косці шкілета, косці тваравага чэрапа, пашкоджаны галаўны мозг», — расказаў прафесар Румо
Нагадаем, што страшная трагедыя здарылася пад Смалявічамі 20 лютага. У выніку сутыкнення маршруткі і МАЗа загінулі 11 чалавек, 9 чалавек трапілі ў бальніцы. Кіроўца МАЗа быў затрыманы.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары