Страты расійскіх войскаў ва Украіне перавысілі страты ва ўсіх войнах, у якіх Расія ўдзельнічала пасля Другой сусветнай вайны
За год вайны ва Украіне загінула 60—70 тысяч расійскіх вайскоўцаў, вынікае з даклада амерыканскага Цэнтра стратэгічных і міжнародных даследаванняў (CSIS).
Агульныя страты з параненымі і зніклымі без звестак могуць дасягаць 200—250 тысяч. У гэтую колькасць уваходзяць і найміты групы «Вагнер», а таксама мабілізаваныя ў так званых «ЛНР» і «ДНР».
Тэмпы страт за дзень у 35 разоў вышэйшыя, чым на вайне ў Афганістане, і ў 25 разоў вышэйшыя, чым страты падчас войнаў у Чачні.
Агульная колькасць ахвяр усіх папярэдніх узброеных канфліктаў пачынаючы з 50-х гадоў XX стагоддзя, паводле даклада, — 50 тысяч чалавек. Ён уключае абедзве чачэнскія кампаніі, вайну на Данбасе, войны ў Афганістане, Сірыі, Анголе, Егіпце, Вʼетнаме і іншых краінах.
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча13
Каментары