Прэм'ер Польшчы паабяцаў больш жорсткія санкцыі супраць рэжыму Лукашэнкі за згоду прыняць ядзерную зброю
Кіраўнік польскага ўрада Матэвуш Маравецкі пракаментаваў заяву расійскага прэзідэнта Уладзіміра Пуціна аб размяшчэнні ядзернай зброі ў Беларусі. Ён анансаваў, што рэжым Лукашэнкі з-за гэтага абавязкова сутыкнецца з больш суровымі санкцыямі Еўрасаюза.
«Гэты крок Расіі… абвяшчэнне аб размяшчэнні ядзернай зброі ў Беларусі, безумоўна, прывядзе да абвяшчэння дадатковых санкцый, узровень санкцый будзе значна больш жорсткім для рэжыму Лукашэнкі», — сказаў Маравецкі на прэс-канферэнцыі ў Бухарэсце.
Польскі прэм'ер паведаміў, што вядзе штодзённыя перамовы з іншымі лідарамі Еўрасаюза пра 11-ы пакет санкцый супраць Масквы і што ён будзе ўключаць большую колькасць захадаў, накіраваных менавіта супраць улады Беларусі.
Сама Польшча разглядае магчымасць увядзення дадатковых абмежаванняў на трансгранічныя перавозкі на мяжы з Беларуссю.
«Мы мяжуем з Беларуссю, і ў рамках нашых двухбаковых стасункаў разглядаем магчымасць узмацнення жорсткасці параметраў пасажырскіх і грузавых перавозак, каб даць зразумець, што мы не прымаем дзеянняў, якія служаць Расіі ў яе агрэсіўных дзеяннях ва Украіне», — сказаў Матэвуш Маравецкі.
«Маліцеся». Дональд Трамп пракаментаваў размяшчэнне ядзернай зброі ў Беларусі
Ціханоўская ўзняла пытанне ядзернай зброі ў Беларусі на сустрэчы з Саліванам
«З дапамогай «ядзернай дубінкі» Пуцін хоча паказаць усяму свету, што імперыя вярнулася»
«Крык адчаю». Украінскі эксперт пра размяшчэнне расійскай ядзернай зброі ў Беларусі
ЕС гатовы ўвесці новыя санкцыі, калі ў Беларусі будзе размешчана ядзерная зброя, — Барэль
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны2
Каментары