Старшыня Савета Рэспублікі падзялілася меркаваннем, якія грошы і для чаго патрэбныя ў Беларусі.
Наталля Качанава лічыць, што няма неабходнасці бегчы ў абменнікі.
«Хто кажа пра тое, што сёння не хапае даляраў ці еўра? Усе думаюць, як зарабіць свой беларускі рубель, каб нармальна жыць у сваёй краіне», — выказалася яна ў эфіры БТ.
«Я бачу, што давер да беларускай валюты расце. Імкненне да замежнай валюты? Ну, можа, камусьці трэба будзе паехаць некуды, і яна яму спатрэбіцца. Але ў Беларусі няма неабходнасці ў валюце.
І мы рады, што Нацбанк Беларусі праводзіць такую палітыку: зніжаецца стаўка рэфінансавання ў такіх няпростых эканамічных умовах», — дадала Качанава.
У Беларусі, па яе словах, створаны ўсе умовы, каб «нармальна вучыцца, працаваць, нараджаць дзяцей і адпачываць».
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары