Мінтранс прапанаваў забіраць маршруткі ў несумленных перавозчыкаў
Пачынаючы з лютага па ўсёй краіне стартавалі маштабныя рэйды Транспартнай інспекцыі Мінтранса і ДАІ па праверцы выканання правілаў перавозкі пасажыраў і дарожнага руху кіроўцамі маршрутных таксі. Падставай для ўзмоцненага кантролю паслужыла трагічная аварыя пад Смалявічамі, у выніку якой загінулі 11 чалавек.
Транспартная інспекцыя праверыла на прадмет выканання патрабаванняў бяспекі аблаўтатрансы і прадпрыемствы прыватнай формы ўласнасці.
«Цяпер ва ўрад прадстаўлены прапановы па ўнясенні змяненняў у дзейнае заканадаўства. У тым ліку яны дазволяць выключыць з перавозачнага працэсу фактар несумленнай канкурэнцыі. У найбліжэйшы час прадугледжваецца наступны крок — канфіскацыя транспартных сродкаў у перавозчыкаў, якія ажыццяўляюць рэгулярныя перавозкі пасажыраў пад выглядам заказных. Гэта робіцца для таго, каб выключыць магчымасць працягу супрацьпраўнай дзейнасці», — распавялі ў міністэрстве.
У Мінтрансе адзначылі, што на працягу сакавіка інспекцыя правяла больш за 50 кантрольных закупак. У выніку было праверана больш за 1,2 тыс. мікрааўтобусаў. Да 957 транспартных сродкаў прэтэнзій не было. Разам з тым у спецыялістаў узніклі пытанні да працы 428 кіроўцаў мікрааўтобусаў. Да прыкладу, выяўлена 47 парушэнняў у частцы выканання рэгулярных пасажырскіх перавозак без наяўнасці ліцэнзіі або дамовы з аператарам перавозак пасажыраў у рэгулярных зносінах.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу1
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8282
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне82
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары