Прыгожын напісаў ліст прэзідэнту Швейцарыі, якая ўвяла санкцыі супраць ПВК «Вагнер». У ім ён распавёў, што ў сухпайку вагнераўцаў — сыр з Беларусі. «Наша Ніва» патэлефанавала вытворцу. У Навагрудку запэўнілі, што наўпрост з «Вагнерам» не працуюць.
Прэс-служба Прыгожына апублікавала адказ Прыгожына з пазнакай «тэрміновы зварот Яўгена Прыгожына да прэзідэнта Швейцарыі Алены Берса ў сувязі з санкцыямі Швейцарыі ў дачыненні да ПВК «Вагнер».
У лісце, напісаным у характэрнай блазенскай манеры Яўген Прыгожын паведаміў, што ў сувязі са швейцарскімі санкцыямі ПВК «Вагнер» можа адчуць «сурʼёзныя цяжкасці».
«Частка нашых сухіх пайкоў укамплектаваная сырам «Эменталь» Навагрудскага камбіната. Прашу вас у самыя кароткія тэрміны адказаць, ці можам мы далей ужываць гэты сыр, нягледзячы на санкцыі? І ці не будзе падвергнутая другасным санкцыям Рэспубліка Беларусь як месца пражывання кароў — крыніцы сыравіны Навагрудскага камбіната? Пераканаўча прашу вас адказаць як мага хутчэй, бо байцы ПВК «Вагнер» у акопах масава задаюць пытанне, ці могуць яны ўжываць у ежу гэты «Эменталь», каб не падставіць брацкую дзяржаву, Рэспубліку Беларусь».
Прыгожын дадае, што ў выпадку адмовы вагнераўцы могуць перайсці на Кракаўскую каўбасу.
Ці Навагрудскі камбінат прадае сыры ПВК «Вагнер»?
Журналіст «Нашай Нівы» пад выглядам прадстаўніка іншай расійскай ПВК пазваніў на завод «Навагрудскія дары» і пацікавіўся, ці можна купіць прадукцыю. Адказ быў — наўпрост не працуем, званіце дыстрыбʼютарам у Расіі.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе10
Каментары