Для Рамана Пратасевіча пракурорка запрасіла 10 гадоў калоніі ўзмоцненага рэжыму
Прапануецца ўзяць яго пад варту ў зале суда пасля вынясення прысуду.
Раман Пратасевіч у судзе. Фота Sputnik.by
Для Рамана Пратасевіча пракурорка запрасіла 10 гадоў калоніі ўзмоцненага рэжыму. Яго прапануецца ўзяць пад варту ў зале суда. Цяпер блогер знаходзіцца пад хатнім арыштам.
Заснавальніку Nexta Сцяпану Пуцілу запрасілі 20 гадоў пазбаўлення волі завочна
Для Яна Рудзіка — 19 гадоў.
Суд па так званай «справе Nexta» пачаўся 16 лютага ў адкрытым фармаце.
Па справе праходзяць тры абвінавачваныя: Раман Пратасевіч, які прысутнічае ў судзе, а таксама Сцяпан Пуціла і Ян Рудзік — іх судзяць завочна.
Усім фігурантам справы выстаўлена абвінавачанне больш чым па 10-ці артыкулах Крымінальнага кодэкса. Акрамя таго, Генпракуратурай у інтарэсах дзяржавы заяўлены пазоў на больш чым 30 мільёнаў рублёў.
Каментары