Ціханоўская: Толькі пасля сыходу рэжыму Лукашэнкі мы адновім у Беларусі вяршэнства права
Дэмакратычная лідарка Беларусі падчас візіту ў Дублін нагадала, што 232 гады таму ў Еўропе (1791 год) была прынятая першая Канстытуцыя — Рэчы Паспалітай, дакумент, які падтрымлівала беларуска-літоўская шляхта, што «робіць гэтую гістарычную падзею нашай агульнай спадчынай».
«Дэмакратыя, свабода, канстытуцыйныя правы — гэтыя словы да гэтага часу гучаць для беларусаў як мара», якая амаль спраўдзілася ў 2020 годзе, але «на змену ёй прыйшоў кашмар дыктатуры і гібрыднай акупацыі», заявіла Святлана Ціханоўская ў амбасадзе Польшчы 3 мая.
Паводле яе словаў, сёння рэжым у Беларусі змагаецца з нашай гісторыяй, нашымі агульнымі героямі і нашай агульнай спадчынай.
Ціханоўская паведаміла аб працы над праектам новай Канстытуцыі Беларусі. «Я веру, што на гэты раз наша новая Канстытуцыя вытрымае выпрабаванне часам і мы вернемся да нашых традыцый дэмакратыі», — сказала яна.
Святлана Ціханоўская наведвае Ірландыю з 1 па 4 мая, нагадвае тэлеграм-канал «Позірк».
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары