Навуковыя супрацоўнікі запаведніка на паўднёвай ускраіне Белавежскай пушчы, у Дзмітравіцкім лясніцтве, на невялікім лясным «астраўку», акружаным палямі, выявілі два новыя месцы росту рэдкай рэліктавай расліны — плюшчу звычайнага.
Плюшч (Hedera helix L.) занесены ў нацыянальную Чырвоную кнігу і знаходзіцца пад дзяржаўнай аховай ужо на працягу амаль 60 гадоў.
Hedera helix — расліна даволі незвычайная, яна адзіная ў беларускай флоры вечназялёная ліяна.
Паводле свайго паходжання, плюшч — прадстаўнік цеплалюбівай еўрапейскай горнай расліннасці і ў нашай краіне яго нешматлікія месцы росту знаходзяцца на самай усходняй мяжы распаўсюджвання.
Цяпер у Белавежскай пушчы адзначана ўжо больш за дзясятак месцаў, дзе расце гэтая расліна. У асноўным гэта вільготныя лісцевыя і яловыя лясы, размешчаныя часцяком каля забалочаных алешнікаў і ясеннікаў.
Расце плюшч даволі павольна, ягоныя доўгія, пакручастыя плеці сцелюцца па зямлі і толькі часам пры дапамозе паветраных каранёў-прысосак цягнуцца ўверх па ствалах дрэў, бліжэй да святла.
Ціханоўскі прапанаваў радыкальна перагледзець стратэгію для Беларусі33
Каментары