Паркоўкі каля садкоў і бальніц у Мінску стануць бясплатнымі. На пэўны прамежак часу
Каля сацаб'ектаў у цэнтральнай частцы сталіцы часцяком паркоўка платная, але сітуацыю маюць намер падкарэктаваць. Пра гэта гаварылі падчас прамой лініі з намеснікам старшыні Мінгарвыканкама Алегам Корзунам, пішуць «Мінск-Навіны».
Як адзначыў А. Корзун, у сталіцы адпрацоўваюць пытанне надання бясплатных парковачных месцаў для пацыентаў устаноў аховы здароўя, якія прыехалі на прыём, а таксама для наведвальнікаў іншых сацыяльных аб'ектаў у зоне платнай паркоўкі.
— Для дзіцячых садкоў разглядаем такі варыянт: плата за паркоўку паблізу іх можа спаганяцца з 9:00 да 17:00. Тады бацькі змогуць прывозіць дзяцей у сад раніцай і забіраць іх дадому пасля працы, не выдаткоўваючы грошы на аплату паркоўкі, — патлумачыў А. Корзун.
Што тычыцца пацыентаў устаноў аховы здароўя ў зоне платнай паркоўкі (а гэта і гарадскі анкадыспансер, і гарадская бальніца №2), цяпер спецыялісты вызначаюць, якім чынам зрабіць для іх бясплатнымі машына-месцы.
Выпрацаваць адпаведныя рашэнні плануецца на працягу месяца.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый7
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары