Гаджэты армянскіх журналістаў і праваабаронцаў узламалі шпіёнскай праграмай Pegasus
Сярод пацярпелых — былая ўпаўнаважаная па правах чалавека.
Узломы прылад былі задакументаваныя з кастрычніка 2020-га па снежань 2022 года.
Як расказалі «Медузе» ў арганізацыі Access Now, якая займаецца абаронай лічбавых грамадзянскіх правоў па ўсім свеце, ускосныя звесткі сведчаць пра тое, што ўзломы могуць быць звязаныя з ваенным канфліктам паміж Арменіяй і Азербайджанам у Нагорным Карабаху.
Гэта першае задакументаванае сведчанне выкарыстання шпіёнскага праграмнага забеспячэння Pegasus у кантэксце міжнароднай вайны, як сцвярджаецца ў расследаванні.
Сем чалавек, якія пацярпелі ад уцечкі, раскрылі свае імёны. Сярод іх — журналісты армянскай службы «Радыё Свабода», былы прэс-сакратар МЗС Арменіі і былыя ўпаўнаважаныя па правах чалавека ў Арменіі і Нагорным Карабаху.
Пяцёра астатніх, чые прылады Apple таксама былі заражаныя Pegasus, вырашылі захаваць ананімнасць па асабістых і прафесійных прычынах.
Сярод іх — два журналісты, актывіст, прадстаўнік армянскай грамадзянскай супольнасці, а таксама прадстаўнік ААН, які не атрымаў згоды працадаўцы на тое, каб выступаць у публічным полі.
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу29
Каментары
Ведь что не напиши, тебя всерьез никто не воспринимает!