У баях пад Бахмутам загінуў беларус Дзмітрый Гарлоўскі, паведамляе «Люстэрка». Ён родам з Полацка, але ў апошнія гады жыў у Расіі. За яе і ваяваў.
Дзмітрыю Гарлоўскаму было 40 гадоў. Ён вырас у Полацку, там жа скончыў 15-ю школу, а ўжо ў дарослым веку стаў часта ездзіць на заробкі ў Расію — у Маскву. У апошнія гады і зусім туды пераехаў, жыў у падмаскоўным горадзе Кліне разам з жонкай-настаўніцай, якую перавёз з Полацка ў 2019 годзе.
Грамадзянства з беларускага на расійскае мужчына, відаць, не мяняў, прынамсі, знаёмыя Гарлоўскага пра гэта не чулі.
Паводле інфармацыі «Люстэрка», Дзмітрый вырашыў адправіцца на вайну, каб зарабіць грошай: фінансавае становішча сям'і было не найлепшым. Ваяваў ён у шэрагах расійскай арміі ці стаў наймітам ПВК «Вагнер», дакладна невядома, але сам факт яго ўдзелу ў вайне сям'я трымала ў таямніцы нават ад сваякоў. Але на старонцы ягонай жонкі ў сацсетцы шмат рэпостаў навін менавіта пра ПВК «Вагнер».
У войску Гарлоўскі прабыў менш за тры месяцы. Спачатку было навучанне, затым мужчыну адправілі на фронт, а ў выніку перакінулі пад Бахмут. Менавіта там праз месяц ён і загінуў, як мяркуецца, 13 мая.
Жонка Гарлоўскага яшчэ амаль месяц не ведала пра гібель мужа, што бачна па яе сацсетках, напоўненых жыццярадаснымі прарасійскімі пастамі аж да 5 чэрвеня. Пасля гэтай даты танальнасць пастоў змянілася, і з іх зместу ды каментароў відаць, што яна ўжо ў курсе таго, што адбылося. Пахавалі Дзмітрыя Гарлоўскага 8 чэрвеня ў Кліне.
У сям'і Гарлоўскіх засталося трое дзяцей: старэйшая дачка ўжо падлетак, сын толькі скончыў першы клас, а самай малодшай дзяўчынцы няма і дзевяці месяцаў. Акрамя таго, ад першага шлюбу ў Дзмітрыя Гарлоўскага ёсць яшчэ адна дачка, якая жыве ў Полацку. На мінулым тыдні, 10 чэрвеня, яна адзначыла свой школьны выпускны.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу8
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары