На саміце НАТА ў Вільні Украіне могуць даць гарантыі «сярэднія паміж тымі, што атрымлівалі Фінляндыя і Ізраіль» — прэзідэнт Чэхіі
Прэзідэнт Чэхіі Пэтр Павэл, генерал у адстаўцы і старшыня вайсковага камітэта НАТА ў 2015-2018 гадах, у інтэрв'ю «Радыё Свабода» пракаментаваў магчымыя гарантыі НАТА Украіне.
«Я чуў пра два, скажам так, тыпы або сцэнары гарантый [НАТА Кіеву]. Адзін — такія ж гарантыі, якія былі дадзеныя Фінляндыі: ад ідэі далучэння да НАТА да ратыфікацыі. Іншы — [нешта накшталт] гарантый бяспекі для Ізраіля. Імаверна, мы ўбачым нешта сярэдняе.
Але для мяне гарантыяй будзе нават тое, што мы проста зафіксуем на паперы, што мы ўжо робім для Украіны, і зробім гэта свайго роду доўгатэрміновым планам», — сказаў ён.
Ён адзначыў, што бачыць Украіну ў якасці будучага сябра ЕС. Ён звязвае гэта з пасляваенным аднаўленнем Украіны.
«Я нават магу ўявіць сабе нейкі План Маршала для Украіны, які не толькі дазволіў бы Украіне хутка развівацца, ліквідаваць шкоду, нанесеную вайной, але і стаў бы сродкам уступлення ў ЕС. Таму што аказанне такой шырокай падтрымкі ў шэрагу абласцей папраўдзе ўяўляе сабой таксама набор правілаў, якія павінны быць улічаныя, каб зрабіць гэта правільна. Гэта будзе працэс навучання з абодвух бакоў. Каб любая краіна-прэтэндэнт уступіла ў ЕС, яна павінна выканаць шэраг умоў, паслядоўна дасягнуць шэрагу мэтаў. І іх можна эфектыўна выкарыстаць у працэсе рэканструкцыі.
Так што калі разглядаць гэта такім паралельным чынам, я лічу, што перспектыва сяброўства ў ЕС павінна быць вельмі яснай як для Украіны, так і для ЕС. І я шчыра веру, што гэта будзе добра для абодвух бакоў».
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары