Бізнэс-джэт Лукашэнкі 2 ліпеня лётаў у Маскву, а 3-га адправіўся ў Бодрум
Дзяржаўны бізнэс-джэт, які выкарыстоўваюць высокапастаўленыя беларускія чыноўнікі і сям'я Лукашэнкі, 2 ліпеня лётаў у Маскву, а 3 ліпеня накіраваўся з Мінска ў турэцкі Бодрум. Пра гэта сведчаць звесткі radarbox.com, як піша Reform.by.
Самалёт Canadair CL-600-2b19 Challenger 850 з нумарам EW-301PJ вылецеў з Мінска ў 19:41 3 ліпеня і прызямліўся ў турэцкім Бодруме ў ноч з 3 на 4 ліпеня.
Раней, 2 ліпеня ў 18:23 па Мінску, бізнэс-джэт накіраваўся ў маскоўскі аэрапорт «Унукава», прабыў там суткі і 3 ліпеня ў 19:21 прыляцеў у Мінск.
Хто канкрэтна знаходзіўся на борце, пакуль невядома.
Аналагічны палёт у Бодрум беларускі бізнэс-джэт здзейсніў у ноч з 23 на 24 чэрвеня. На фоне бунту ў Расіі палёт выклікаў павышаную ўвагу публікі. Самалёт вярнуўся ў Беларусь у ноч з 24 на 25 чэрвеня.
Каментары