Апублікаваныя свежыя спадарожнікавыя здымкі лагера ПВК «Вагнер» пад Асіповічамі
Журналіст The New York Times Крысціян Трыберт апублікаваў свежыя спадарожнікавыя здымкі лагера ПВК «Вагнер» у вёсцы Цэль, зробленыя Maxar 23 ліпеня.
Здымкі вельмі выразныя і пацвярджаюць папярэднюю выснову аб тым, што зялёная зона, правей ад імправізаванай стаянкі фур, была цалкам запоўненая ўжо 22 ліпеня.
На свежых здымках відаць не менш за 35 фур і сотні легкавых аўто, пікапаў і «буханак». У паўднёвай частцы здымка таксама можна заўважыць будаўнічую тэхніку, якая была заўважаная як мінімум у дзвюх калонах: 3-й ад 17 ліпеня і 8-й ад 19 ліпеня, паведамляе маніторынгавая група «Беларускі Гаюн».
Лагер для вагнераўцаў у Беларусі разбілі каля вёскі Цэль у Асіповіцкім раёне.
Раней кіраўніцтва ПВК «Вагнер» заяўляла, што ў Беларусь перабазуецца да 10 тысяч байцоў гэтай кампаніі.
ПВК «Вагнер» фармальна лічыцца прыватнай вайсковай кампаніяй, але фактычна была створаная Генштабам Расіі для выканання спецыяльных задач і пад выглядам, што за гэтым не стаіць афіцыйная Масква. ПВК «Вагнер» панесла цяжкія страты падчас нападу на Украіну. Паводле інфармацыі кіраўніцтва структуры, станам на 20 мая з 79 тысяч наймітаў былі забітыя 22 тысячы, параненыя 40 тысяч.
Цяпер чытаюць
Бабарыка зоймецца бізнэсам — ужо адкрыў кампанію ў Германіі9
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары