Аляксандр Лукашэнка некалькімі ўказамі, падпісанымі 28 ліпеня, зрабіў кадравыя прызначэнні ў войску. Найбольш важным рашэннем выглядае звальненне начальніка Галоўнага разведвальнага ўпраўлення — намесніка начальніка Генеральнага штаба УС генерал-маёра Руслана Касыгіна.
Касыгін звольнены ў запас па ўзросце з правам нашэння вайсковай формы адзення і знакаў адрознення.
Руслан Касыгін быў кіраўніком ГРУ з 7 ліпеня 2020 года. Яму 55 гадоў, ён нарадзіўся ў крымскай Ялце і яшчэ з 2014 года выказваўся ў падтрымку агрэсіі Расіі супраць Украіны. У сваіх каментарах бягучай сітуацыі ён нярэдка скочваўся да банальнай канспіралогіі.
Заменіць Касыгіна генерал-маёр Уладзімір Купрыянюк. Раней ён быў начальнікам штаба — першым намеснікам камандуючага войскамі Заходняга аператыўнага камандавання УС. Замест яго цяпер прызначаны палкоўнік Аляксандр Лаўрэнаў.
Начальнікам Галоўнай вайсковай інспекцыі УС прызначаны генерал-маёр Андрэй Гарбаценка, які раней кіраваў Мінскім Сувораўскім вайсковым вучылішчам. Генерал-маёр Іван Багуслаўскі, які быў начальнікам інспекцыі раней, звольнены ў запас па ўзросце з правам нашэння вайсковай формы адзення і знакаў адрознення.
На пасаду начальніка Мінскага сувораўскага вайсковага вучылішча замест Андрэя Гарбаценкі прызначаны палкоўнік Дзмітрый Кучук.
Каментары
Наверно, пришло время назначать главного разведчика из кадрового резерва пригожина из деревни Цель .....
Вось так калгасная дыктатура i iснуе 30 год: на паслухмяным падпарадкаваннi i выкананнi усiх злачынных загадау. I усе мауклiва пагаджаюцца.
Бедарусы. Жах
Наверно, пришло время назначать главного разведчика из кадрового резерва пригожина из деревни Цель .....