Міраслаў Рамашчанка ўзначаліў футбольны «Ахмат» з Грознага. Кантракт 49-гадовага спецыяліста з камандай разлічаны на тры гады, паведамляе прэс-служба клуба.
Раней Рамашчанка ўжо працаваў у грозненскім клубе. З кастрычніка 2011 да мая 2013 года ён займаў пасаду асістэнта былога галоўнага трэнера каманды Станіслава Чарчэсава.
У трэнерскі штаб таксама ўвайшоў беларус Андрэй Сасніцкі.
Пасля чатырох тураў каманда з Грознага займае 12-е месца ў чэмпіянаце Расіі, набраўшы 3 ачкі.
Міраслаў Рамашчанка нарадзіўся ва Украіне, на пачатку 1990-х перабраўся ў Беларусь, дзе гуляў за рэчыцкі «Ведрыч», магілёўскі «Дняпро». Правёў за нацыянальную зборную 15 матчаў, забіў адзін гол. Яго брат Максім Рамашчанка з'яўляецца найлепшым бамбардзірам беларускай зборнай (20 мячоў).
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары
Водка и сало
И их было не мало?)).
Интересно как брат изменился, Тянул сборную он здорово