Ураджай цукровых буракоў вельмі добры.
Цана цукру застанецца ў Беларусі на ранейшым узроўні, павышаць яе не плануюць. Пра гэта ў эфіры СТБ распавёў Алег Жыдкоў, старшыня канцэрна «Белдзяржхарчпрам», паведамляе Blizko.by.
Цяпер, паводле яго слоў, няма неабходнасці карэктаваць цэннікі на гэты тавар. У краіне поўным ходам ідзе ўборка цукровых буракоў. З улікам умоў надвор'я, якія складваюцца на карысць аграрыяў, плануецца сабраць не менш за 5 мільёнаў тон. Гэта, у сваю чаргу, дазволіць вырабіць каля 600 тысяч тон цукру.
— Ужо тры заводы ў нас запушчаныя, якія вырабляюць цукар новага ўраджаю, — адзначыў Алег Жыдкоў. — Калі казаць пра ўраджайнасць, то мы ў першыя дні копкі ўжо атрымалі вынік, які ў паўтара разу перавышае леташнія лічбы. І ў цэлым мы ацэньваем стан пасеваў як добры.
Запасаў салодкага «пяску», паводле ацэнак экспертаў канцэрна, хопіць і на патрэбы ўнутранага рынку, і на экспарт. Алег Жыдкоў дадаў, што харчовы рынак адносна цукру цяпер стабільны і будзе забяспечаны на 100%.
Цяпер у «Е-дастаўцы» цукар каштуе 2 рублі 69 капеек за кілаграм, рафінад — 2,89 рубля за 500 грамаў.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім16
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3434
Каментары