Месі не ўключылі ў заяўку на матч — і каманда прайграла фінал Кубка ЗША
Форвард мае праблемы са шнарамі на скуры.
Аргенцінскі форвард «Інтэр Маямі» Ліянэль Месі не ўвайшоў у заяўку каманды на фінальны матч Кубка ЗША супраць «Х'юстан Дынама».
Як вынік, «Інтэр Маямі» прайграў 1:2.
Раней Месі прапусціў матч МЛС (чэмпіянат краіны) з «Арланда Сіці». Паведамлялася, што форвард мае праблемы са шнарамі на скуры, якія ў яго былі падчас нядаўніх выступаў за зборную Аргенціны ў адборачным турніры ЧС—2026, зазначае Championat.com.
Месі перайшоў «Інтэр Маямі» ў ліпені і першы матч згуляў 22 ліпеня, адразу забіўшы гол. За два месяцы ён забіў 11 галоў у 12 матчах, а таксама зрабіў 5 выніковых перадач.
Прытым, калі Ліянэль пераходзіў у клуб, фларыдская каманда займала апошняе 15-е месца ва Усходняй канферэнцыі і адставанне ад зоны плэй-оф складала 15 балаў. Цяпер «Інтэр Маямі» — 14-ы, але адставанне ад зоны плэй-оф складае ўсяго пяць балаў.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары