Беларуская дзяячка ў Літве, дачка беларускага кнігара і паэта Станіслава Станкевіча.
«Міраслава Русак са Станкевічаў (07.12.1933 — 09.10.2023). Сёння свет абяднеў на яшчэ аднаго добрага чалавека.
Не стала беларускай дзяячкі ў Літве, дачкі беларускага кнігара і паэта Станіслава Станкевіча спадарыні Міраславы», — напісала ў сваім фэйсбуку дырэктарка Беларускага музея імя Івана Луцкевіча ў Вільні Людвіка Кардзіс.
(Станіслаў Станкевіч, 1886--1964). Нарадзіўся ў вёсцы Арляняты на Ашмяншчыне. З пачатку 1900-х жыў у Пецярбургу, дзе быў пасыльным, экспедытарам у аптэцы, аптэкарам. У 1919-м пераехаў у Вільню, дзе працаваў у кнігарні Беларускага выдавецкага таварыства. Актыўна дзейнічаў у заходнебеларускім руху. У 1926 годзе адкрыў уласную беларускую кнігарню ў Вільні, якая дзейнічала да вайны (Вастрабрамская, 2). Удзельнічаў у выданні беларускага адрыўнога календара, беларускіх кніг. Восенню 1945 года рэпрэсаваны савецкімі ўладамі і высланы ў канцлагер у Пермскую вобласць. На радзіму вярнуўся ў 1954 годзе. Рэабілітаваны ў 1957 годзе. Не блытаць з аднавяскоўцам Станіславам Станкевічам (1907--1980), літаратуразнаўцам, даследчыкам беларускай літаратуры, дзеячам ваенных часоў у Беларусі і на эміграцыі ў ЗША. Каб адрозніваць Станіславаў Станкевічаў, першага называлі кніжнік
Міраслава Русак (Станкевіч) з сынамі беларускага драматурга, аўтара першых успамінаў пра сталінскія канцлагеры Францішка Аляхновіча на могілках Росы ў Вільні. Фота з фэйсбука Людвікі Кардзіс
Спадарыня Міраслава была адной з апошніх вучаніц даваенай пачатковай беларускай школы ў Вільні. Прымала актыўны ўдзел у дзейнасці беларускіх арганізацый у Вільні», — напісала Людвіка Кардзіс.
Каментары