Прэмію Сахарава прысудзілі пасмяротна Махсе Аміні, якая стала сімвалам пратэстаў у Іране
Махсу Аміні ў верасні 2022 года затрымала паліцыя і абвінаваціла ў няправільным нашэнні хіджаба. З пастарунка дзяўчыну адвезлі ў бальніцу, дзе яна праз некалькі дзён памерла. Навіна пра смерць дзяўчыны прывяла да выбуху пратэстаў у Іране.
Прэмію Еўрапарламента імя Андрэя Сахарава прысудзілі загінулай у Іране Махсе Аміні і пратэснаму руху «Жанчыны, жыццё, свабода».
Сваякі Аміні лічаць, што прычынай яе смерці стала збіванне паліцэйскімі. Пасля яе смерці ў Іране пачаліся пратэсты пад лозунгам «Жанчыны, жыццё, свабода».
Прэмія Сахарава была зацверджаная Еўрапарламентам у 1988 годзе і ўручаецца асобам, якія «ўнеслі выключны ўклад у барацьбу за правы чалавека па ўсім зямным шары».
У 2004 годзе прэмію атрымала Беларуская асацыяцыя журналістаў, у 2006-м — Аляксандр Мілінкевіч, а ў 2020-м — дэмакратычная апазіцыя Беларусі.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ7
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары