Таксама папраўкі ў Падатковы кодэкс прадугледжваюць павелічэнне ставак падатку з прадпрымальнікаў.
Урад азнаёміць Палату прадстаўнікоў з праектам закона «Аб змяненні Падатковага кодэкса», які прадугледжвае ўвядзенне адзінага маёмаснага плацяжу і павышэнне падатковых ставак. Сустрэча дэпутатаў з прэм'ер-міністрам Раманам Галоўчанкам адбудзецца сёння ў другой палове дня, піша ТАСС.
«Адзіны маёмасны плацеж — агульная сума падатку на нерухомую маёмасць, зямельнага падатку і транспартнага падатку, якая падлягае выплаце фізічнай асобай», — пазначана ў праекце закона, распрацаваным Саўмінам.
Законапраект прадугледжвае павышэнне з 13% да 25% стаўкі падаходнага падатку з фізічных асоб, гадавы даход якіх перавышае 200 тысяч рублёў. У выпадку яго атрымання ад крыніц у краіне ў выглядзе дывідэндаў, па працоўных і грамадзянска-прававых дагаворах аб выкананні работ, аказанні паслуг і стварэнні аб'ектаў інтэлектуальнай уласнасці.
Мяркуецца павелічэнне з 20% да 30% стаўкі падаходнага падатку з індывідуальных прадпрымальнікаў, у якіх у гэтым падатковым перыядзе даходы з пачатку каляндарнага года перавысілі 500 тысяч рублёў.
Таксама папраўкі ў Падатковы кодэкс прадугледжваюць павелічэнне ставак адзінага падатку з прадпрымальнікаў. У прыватнасці, для фізічных асоб, якія жывуць у Мінску і займаюцца рэалізацыяй кацянят і шчанюкоў, штомесячная стаўка вырасце з 94 да 101 рубля, для сталічных булачнікаў — з 96 да 103 рублёў.
Стаўку падатку на прыбытак для арганізацый, у якіх у пазначаным падатковым перыядзе падатковая база перавысіла 25 млн рублёў, плануецца павялічыць з 20% да 25%. З 5% да 10% мяркуецца павысіць стаўку на прыбытак ад рэалізацыі тавараў уласнай вытворчасці, уключаных у пералік высокатэхналагічных тавараў, вызначаны Саўмінам.
Законапраект прадугледжвае таксама прымяненне дзесяціразовай стаўкі транспартнага падатку ў дачыненні да транспартных сродкаў падвышанай камфортнасці, уключаных у вызначаны Саўмінам спіс, калі з моманту іх выпуску не прайшло больш за тры гады.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары