У кожнай школе да канца навучальнага года зробяць вайскова-патрыятычны клас ці клуб
Вайскова-патрыятычны клас ці клуб павінен зʼявіцца да канца навучальнага года ў кожнай школе Беларусі. Пра гэта паведаміў міністр адукацыі Андрэй Іванец падчас сустрэчы з навучэнцамі Княжыцкай сярэдняй школы Магілёўскага раёна ў рамках праекта «Школа актыўнага грамадзяніна», перадае БелТА.
«Сёння мы павінны гаварыць пра вайскова-патрыятычнае выхаванне, таму што бачым, наколькі важна, каб кожны малады чалавек усведамляў значнасць свайго абавязку і неабходнасці не толькі любіць Радзіму, але і быць гатовым яе абараняць ва ўсіх сэнсах гэтага слова: хтосьці на сваім рабочым месцы, нехта вучобай ва ўстанове адукацыі, а нехта — выбіраючы прафесію Радзіму абараняць. Таму мы актыўна працуем над развіццём вайскова-патрыятычных класаў, над музейнай педагогікай, над развіццём вайскова-патрыятычных клубаў… Усё гэта элементы, якія фарміруюць цэласную асобу дзіцяці», — сказаў Андрэй Іванец.
Для гэтага перад школамі, паводле яго, Мінадукацыі паставіла задачу, каб у кожнай школе на працягу гэтага года яны стварылі вайскова-патрыятычныя класы ці клубы.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары