У ЗША выхавальніцы таемна ладзілі дзіцячыя баі на тэрыторыі дзіцячага садка
Паводле інфармацыі тэлеканала Fox News, выхавальніцы такім чынам «каралі дзяцей за неслухмянасць і дабіваліся, каб тыя лепш слухаліся». Справай занялася паліцыя.
Паліцыя амерыканскага штата Паўднёвая Караліна арыштавала дзвюх выхавальніц мясцовага дзіцячага садка, якія на тэрыторыі ўстановы ладзілі дзіцячыя баі, перадае тэлеканал Fox News.
Як паведаміла паліцыя, 27-гадовая Эрыка Джонс і 56-гадовая Сэрэна Колдуэл падчас сваёй працы ў дзіцячым садку прымушалі выхаванцаў тузаць, цягаць і біць адно аднаго. Рабілася гэта нібыта ў якасці пакарання за непаслухмянасць, «каб дзеці лепш слухаліся».
Усяго ў бойках прымушалі ўдзельнічаць 14 дзяцей узростам ад 3 да 4 гадоў.
«Бацька адной з ахвяр даў паказанні, што яго дзіцяці загадвалі некалькі разоў біць іншага выхаванца. Я не ведаю, чым думалі гэтыя дзве выхавальніцы і навошта гэта было рабіць. Гэта проста найагіднейшы ўчынак», — заявіў шэрыф мясцовай паліцыі Лі Фостэр.
Ён дадаў, што пацярпелыя дзеці не атрымалі сур'ёзных фізічных траўмаў, аднак ім нанесеная велізарная псіхалагічная шкода.
Арыштаваным выхавацелькам выстаўленыя абвінавачанні па 14-15 пунктах «аб незаконным абыходжанні з дзецьмі і схіленні непаўналетніх да ўчынення злачынстваў».
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы10
Каментары