З брэсцкім «Дынама» згуляла каманда расійскіх комікаў, якія выступалі ў «ДНР». Гледачоў сабралася нямала
У таварыскім матчы 11 лістапада футбольны клуб вышэйшай лігі «Дынама-Брэст» аказаўся мацнейшым за расійскі клуб аматарскай медыялігі «10». Матч скончыўся з лікам 3:1, а паглядзець яго прыйшло нямала народу — цэнтральная трыбуна была поўная.
Стваральнікі каманды «10» расійскай аматарскай медыялігі, — комікі з ТНТ Азамат Мусагаліеў і Дзяніс Дорахаў.
У верасні гэтага года комікі выступалі з канцэртам у «ДНР». Дорахаў пасля расказаў журналістам, што пагутарыў з расійскімі салдатамі, што ваююць ва Украіне, і тыя падаліся яму «душэўнымі людзьмі». Пасля гэтага канцэрта Мусагаліеў трапіў ва ўкраінскую базу «Міратворац». Дорахаў у ёй з 2019-га пасля наведвання анэксаванага Крыма.
Сярод тых, хто прыехаў у складзе каманды ў Брэст, былыя гульцы беларускіх каманд: Яўген Памазан (брамнік мінскага «Дынама» ў 2020-2021 гадах) і Пётр Тэн (гуляў у «Мінску» ў 2020-м), казахстанскі гулец Максім Грэк (выступаў за «Белшыну» ў 2020-м).
«Атмасфера на стадыёне: тушыце гэты пажар. Дзякуй за прыём, Брэст. На маім футбольным шляху — гэта першы матч з такой колькасцю заўзятараў», — напісаў футбаліст Іван Гусеў.
Пасля гульні дырэктар «Дынама-Брэст» Аляксандр Неўдах уручыў Мусагаліеву падарунак ад клуба, у тым ліку імянную майку ў гонар матча.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары