«Роспіс высокатэмпературнымі пігментамі для керамікі». Мастак паказаў, як ствараў незвычайную ікону для касцёла ў Стоўбцах
Перад святам Панны Марыі Вастрабрамскай, якое адзначаецца 16 лістапада, копія аднайменнага абраза была ўсталяваная над уваходам у рыма-каталіцкі храм Святога Казіміра ў Стоўбцах. Ікона выканана ў незвычайнай тэхніцы — яна напісана высокатэмпературнымі пігментамі на керамічнай плітцы. Як ствараўся абраз на розных этапах, паказаў у фэйсбуку мастак Андрэй Дубінін.
«Роспіс выконваўся высокатэмпературнымі пігментамі для керамікі, абпал на 1200 градусаў. Пасля на прамяні вакол выявы Маці Божай быў нанесены прэпарат золата для парцаляны, абпалены пасля на 800 градусаў», — напісаў мастак у фэйсбуку.
Пасля гэтага ён апублікаваў фота з апісаннем кожнага этапу.
Арыгінал Іконы Маці Божай Вастрабрамскай памерам 163×200 см быў намаляваны, імаверна, у XVI стагоддзі
Касцёл Святога Казіміра ў Стоўбцах у чаканні аздаблення
Арыгінал Іконы Маці Божай Вастрабрамскай памерам 163 × 200 см быў намаляваны, імаверна, у XVI стагоддзі. Пасля ікона была закрытая каля 1671 году срэбнай і залатой сукенкамі. 2 ліпеня 1927 года Ікона Маці Божай Вастрабрамскай была каранаваная пазалочанымі каронамі і названая Блаславёнай Дзевай Марыяй Маці Міласэрнасці
Першая прамалёўка пігментамі па плітцы
Прамалёўка пігментамі
Бляклыя колеры пігментаў пасля абпалу ў печы на 1200 градусаў зменяцца на чыстыя звонкія колеры
Дзе чыстыя і яркія колеры — гэта пліткі пасля абпалу, бляклыя чакаюць свайго часу
Другі абпал на золата, 800 градусаў
У Стоўбцах аднавілі браму касцёла, знішчанага саветамі
Каталікам Стоўбцаў перадалі ўчастак зямлі, на якім некалі стаяў гістарычны касцёл
«Можа, самі пабудзьце святымі?» Ксёндз Лашук адказаў на расследаванне пра яго сувязі з «кашальком» Лукашэнкаў, а пасля выдаліў пост
Абыходзіць санкцыі «кашальку Лукашэнкі» Зайцаву дапамагае стаўбцоўскі ксёндз Лашук — БРЦ
Каментары