Старшыня Нацыянальнага сходу Рэспублікі Арменія Ален Сіманян 5 снежня ў афіцыйным лісце пацвердзіў, што не будзе ўдзельнічаць у пасяджэнні АДКБ, піша «Арменпрэс».
Спікер Нацыянальнага сходу Арменіі Ален Сіманян не прыме ўдзелу ў выязным паседжанні Парламенцкай асамблеі АДКБ і 16-ым пленарным паседжанні, якія пройдуць у Маскве 19 снежня 2023 года. У пасяджэннях не прыме ўдзел і дэлегацыя Нацыянальнага сходу Арменіі.
Адмову ад паездкі ў Маскву Ален Сіманян пісьмова пацвердзіў афіцыйным лістом.
Раней прэмʼер-міністр Арменіі, міністр замежных спраў, міністр абароны і сакратар Рады бяспекі не ўдзельнічалі ў мерапрыемствах, арганізаваных АДКБ, падкрэслівае «Арменпрэс».
Арменія ўваходзіць у прарасійскую Арганізацыю Дамовы аб калектыўнай бяспецы, і яе кіраўніцтва ў 2020 годзе ў пытаннях міжнароднай палітыкі ў СНД ішло ў фарватары Крамля.
Але ў сувязі з тым, што Расія і АДКБ адмовіліся нечым дапамагаць Арменіі ў сітуацыі, калі Азербайджан стаў вырашаць даўні тэрытарыяльны канфлікт у Нагорным Карабаху сілавымі метадамі, адбываецца фактычны сыход Арменіі з расійскай сферы ўплыву.
23 лістапада Нікол Пашынян не прыехаў у Мінск на саміт АДКБ, чым засмуціў і пакрыўдзіў Лукашэнку.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы20
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары