«Я ваш новы Дзед Мароз. У мяне ёсць кажух, шапка-вушанка». Навальны даслаў першы ліст з калоніі за палярным кругам
Каманда Навальнага апублікавала ліст галоўнага апазіцыйнага палітыка Расіі, які ён даслаў з калоніі №3 асаблівага рэжыму, размешчанай каля пасёлка Харп у Ямала-Ненецкай аўтаномнай акрузе.
«Я ваш новы Дзед Мароз. Ну а што? У мяне ёсць кажух, шапка-вушанка, хутка мне дадуць валёнкі, за 20 дзён этапу ў мяне адрасла барада. Аленяў, праўда, няма, але ёсць вялізныя пухнатыя вельмі прыгожыя аўчаркі.
А галоўнае, жыву я зараз за палярным кругам. У пасёлку Харп на Ямале. Найбліжэйшы горад носіць прыгожую назву Лабытнангі.
Я не кажу: «Хо-хо-хо», але затое кажу: «Ох-ох-ох», калі гляджу за акно, дзе спачатку ноч, потым вечар, потым зноў ноч.
20 дзён этапу былі даволі стамляючымі, але настрой у мяне ўсё роўна выдатны, як і належыць Дзеду Марозу.
Прывезлі мяне ў суботу ўвечар. А везлі з такімі засцярогамі і па такім дзіўным маршруце (Уладзімір — Масква — Чалябінск — Екацярынбург — Кіраў — Варкута — Харп), што я і не разлічваў, што мяне хтосьці тут знойдзе да сярэдзіны студзеня.
Таму вельмі здзівіўся, калі ўчора дзверы камеры адчынілі са словамі: «Да вас адвакат». Распавёў, што вы мяне згубілі, а некаторыя нават перажывалі. Дзякуй вам вялікі за падтрымку!
Апавяданнямі аб палярнай экзотыцы я вас пакуль пацешыць не магу, бо нічога, акрамя камеры, і не бачыў. А за акном камеры відаць толькі плот, які стаіць ушчыльную.
Ну і яшчэ на шпацыр выходзіў. Прагулачны двор — суседняя камера, крыху большая па памеры, на падлозе якой ляжыць снег.
Ну і канвой бачыў, не такі, як у цэнтральнай Расіі, а як у кіно — з аўтаматамі, у цёплых рукавіцах і лямцавых ботах. З тымі самымі прыгожымі пухнатымі аўчаркамі.
Увогуле, за мяне не хвалюйцеся. У мяне ўсё добра. Я вельмі рады, што нарэшце даехаў.
Яшчэ раз усім дзякуй за падтрымку. З надыходзячымі святамі!
Калі я Дзед Мароз, то вас, напэўна, цікавіць пытанне падарункаў. Але ж я ўсё ж Дзед Мароз асаблівага рэжыму, таму падарункі атрымаюць толькі тыя, хто паводзіў сябе вельмі дрэнна».
«Гэта мая мара з дзяцінства». На кастынг «Міс Беларусь» прыйшла дзяўчына, якая працуе ў турме Магілёва24
Каментары