Серада, 10 студзеня, стала апошнім працоўным днём крамы ў Каменнай Горцы.
Гіпермаркет «Прастор», які амаль дзесяць гадоў працаваў па адрасе Каменнагорская, 3, зачыніўся. Інфармацыя пра гэта з'явілася ў аб'яве на дзвярах крамы, а таксама ў тыктоку сеткі, піша Realt.by.
Наш магазин закрывается с 11 января 2024
Ролік набраў амаль 700 тысяч праглядаў, а ў каментарах пакупнікі сталі дзяліцца ўспамінамі аб краме.
Хтосьці хваліць рулецік з ласося з тварожным сырам і салата-бар, хтосьці — кулінарыю, булачкі з бананам і шакаладам і каву з кава-машыны. Многія каментатары проста настальгуюць. «Бывай, частка майго дзяцінства!», — піша пакупніца па імені Саша.
Гіпермаркет «Прастор» на Каменнагорскай, 3 адкрыўся з ажыятажам у 2014 годзе. Ён займаў большую частку ГЦ, які цяпер належыць «Кароне». Гэтая сетка і прыйдзе туды на месца «Прастору». Дакладнай даты адкрыцця пакуль не называюць, цяпер у краму шукаюць кухараў, касіраў і іншых супрацоўнікаў.
У апошнія гады зачыніліся некалькі крам «Прастор», а на іх месцы адкрываліся гіпермаркеты Green. У 2019-м — у Шабанах і Чыжоўцы, а ў 2020-м — у ГЦ «Арэна-Сіці».
Цяпер у Мінску засталіся дзве крамы «Прастор» — кругласутачная на Дзяржынскага, 126 і гіпермаркет на Багдановіча, 132.
-
Прапагандысты паказалі моцна схуднелага Васіля Верамейчыка
-
Стала вядома, хто атрымаў жыллё ў «сакрэтным» доме пад Драздамі. Сярод іх — сілавік, які «вызначыўся» ў 2020 годзе
-
Дактары з Украіны і Беларусі з цяжкасцю здаюць польскі медыцынскі экзамен. Праўда, палякі з замежным дыпломам спраўляюцца не лепш
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі14
Каментары