Падчас дарожных работ у Магілёве адкапалі нямецкі бронекаўпак часоў вайны
Падчас будаўніцтва трасы-дублёра ў раёне вуліцы Ямніцкай у Магілёве дарожныя работнікі выявілі нямецкі бетонны бункер — доўгатэрміновы агнявы пункт.
Калаж: Магілёў.Media
Бронекаўпак быў усталяваны ў гэтым месцы прыблізна ў 1943 годзе, калі нямецкая акупацыйная адміністрацыя ператварала Магілёў у горад-цытадэль. Падобныя бронекаўпакі дагэтуль захоўваюцца ў гарадскім ландшафце на ўскрайках абласнога цэнтра.
Выяўлены сёння ДАП (доўгатэрміновы агнявы пункт) з’яўляўся кулямётным гняздом, лічаць спецыялісты. У пасляваенныя часы бетонны бронекаўпак быў засыпаны зямлёй, верагодна, мясцовымі жыхарамі.
Цяпер знаходку плануецца перадаць на баланс Магілёўскага агралесатэхнічнага каледжа ў Буйнічах, дзе ствараецца рэканструкцыя нямецкай лініі абароны часоў вайны.
Памілаваныя 15 чалавек, сярод якіх 13 палітвязняў15
Каментары