Хворага на анкалогію Рыгора Кастусёва перавялі ў турму ў Гродне
66-гадовага палітыка нядаўна перавялі на турэмны рэжым.
«Хутчэй за ўсё Рыгор Кастусёў ужо ў гродзенскай турме № 1. З Івацэвічаў вярнуўся ліст», — напісаў у сваім фэйсбуку ягоны зяць Дзмітрый Антончык.
Рыгора Кастусёва затрымалі 12 красавіка 2021 года ў Шклове па справе паводле арт. 357 КК «Змова ці іншыя дзеянні, здзейсненыя з мэтай захопу дзяржаўнай улады». Пазней яго асудзілі да 10 гадоў калоніі. У лістападзе стала вядома, што палітзняволенага змясцілі на 6 месяцаў у памяшканне крытага тыпу.
У зняволенні ў Рыгора Кастусёва абвастрыліся праблемы са здароўем — у яго выявілі анкалагічнае захворванне.
Цяпер чытаюць
Ці забярэ камп'ютар вашу працу і калі робаты пачнуць мыць за нас посуд? Распыталі эксперта пра штучны інтэлект1
Каментары