Ціханоўская абмеркавала з міністрам замежных спраў Літвы праблемы беларусаў у гэтай краіне
Міністр замежных спраў Літвы Габрыэлюс Ландсбергіс прыняў у сябе беларускую дэмакратычную лідарку Святлану Ціханоўскую. Паводле паведамлення прэс-службы Ціханоўскай, палітыкі абмеркавалі сітуацыю з легалізацыяй беларусаў у Літве, а таксама магчымыя новыя абмежаванні, якія маюць абмяркоўвацца ў літоўскім Сейме ўвесну.
Падчас сустрэчы Ціханоўская сказала, што разумее занепакоенасць Літвы ў пытаннях бяспекі і ў сувязі з патэнцыйнымі пагрозамі з боку рэжыму, але выказала спадзяванне, што Літва ўсё ж працягне выдаваць беларусам візы і дазволы на жыхарства. Таксама яна падкрэсліла, што нельга ўраўноваць абмежаванні супраць беларусаў і расіян, бо гэта толькі ідзе на карысць рэжыму Лукашэнкі.
Перад гэтым Літва прыняла рашэнне працягнуць тэрмін дзеяння літоўскіх гуманітарных дазволаў на жыхарства для беларусаў з аднаго да трох гадоў. Ціханоўская пры нагодзе падзякавала міністру за падтрымку беларускай грамадзянскай супольнасці, а таксама беларусаў, якія знаходзяцца ў Літве.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары