Азараву завочна запыталі 25 гадоў, яго былым калегам удвая менш. Але ўсім без выключэння неймаверныя штрафы
У Мінскім гарадскім судзе працягваецца завочны разгляд крымінальнай справы наконт арганізацыі былых сілавікоў «Байпол», а таксама «Сітуацыйна-аналітычнага цэнтра» і плана «Перамога».
Пракурор запытаў для абвінавачаных наступныя тэрміны:
Аляксандру Азараву — 25 гадоў са штрафам у 10 тысяч базавых велічынь (400 тысяч рублёў),
Андрэю Астаповічу — 11 гадоў са штрафам 5000 базавых (200 тыс. рублёў),
Уладзіміру Жыгару — 12 гадоў са штрафам 5000 базавых (200 тыс. рублёў),
Мацвею Купрэйчыку — 12 гадоў са штрафам 5500 базавых (220 тыс. рублёў),
Ігару Лобану — 12 гадоў са штрафам 5000 базавых (200 тыс. рублёў),
Алегу Талерчыку — 12 гадоў са штрафам 1000 базавых (40 тыс. рублёў),
Пакаранне яны павінны нібыта адбываць у калоніі ўзмоцненага рэжыму.
Завочны суд па гэтай справе ідзе з 22 студзеня.
Былым сілавікам, якія выступілі супраць уладаў, інкрымінуюцца розныя артыкулы КК, у тым ліку: здрада дзяржаве, арганізацыя акту тэрарызму, дзеянні з мэтай захопу ўлады, стварэнне і кіраўніцтва экстрэмісцкім фарміраваннем ды інш.
Варта зазначыць, што «Байпол» падзяліўся на дзве часткі: на «Байпол» і «Белпол».
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары