Але ўладальнік флагмана беларускай прамысловасці не вінаваты.
У нямецкім горадзе Хельдрунген у федэральнай зямлі Цюрынгія адбылося ДТЗ з удзелам легкавога аўтамабіля Mercedes і трактара Belarus, паведамляе «Беларусь і свет» са спасылкай на тамтэйшую паліцыю.
Аварыя здарылася ў суботу 10 лютага каля 18.00 на двухпалоснай дарозе паміж уездам на аўтабан А71 і кругавой развязкай на трасе B86. Па няўважлівасці 54-гадовы кіроўца Mercedes няправільна ацаніў хуткасць трактара, які рухаўся перад ім у тым жа кірунку, і з-за занадта высокай сваёй хуткасці ўрэзаўся ў яго.
Легкавы аўтамабіль і трактар атрымалі агульную шкоду на 18 тысяч еўра. Вадзіцелі, у тым ліку 37-гадовы шафёр трактара былі не цяжка траўмаваныя. Ім аказалі медыцынскую дапамогу. Месца здарэння для разбору і эвакуацыі транспартных сродкаў перакрывалі прыкладна на дзве гадзіны.
Цяпер чытаюць
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына2
Каментары