Мінабароны выпадкова выклала дакумент з аналізам інтэрв'ю Хрэніна. І пацвердзіла, што вядзе адзін з праўладных каналаў
Знайшлося ў дакуменце месца і незалежным медыя.
У тэлеграм-канале «Невальфовіч» з'явіўся дакумент, які называецца «Інтэрв'ю на МА на 22.02». У ім змяшчаўся падрабязны аналіз інтэрв'ю Віктара Хрэніна расійскай прапагандыстцы Анастасіі Сахоўскай. Там ён заявіў, што Беларусь гатовая «збіваць самалёты НАТА».
Найбольшы ахоп, па меркаванні Мінабароны, інтэрв'ю Хрэніна атрымала на расійскіх рэсурсах. Там яны налічылі ахоп «больш за 60 мільёнаў чалавек». Праўладным рэсурсам аддалі другое месца — «больш за 6 мільёнаў». Але знайшлося месца і для незалежных медыя, якіх Мінабароны называе «дэструктыўнымі»:
«Дэструктыўныя інфармацыйныя рэсурсы: каля 40. Ахоп аўдыторыі: больш за 200 тысяч (за выключэннем пакрыцця матэрыялаў, размешчаных на сайтах).
Асноўны мэсэдж: у асноўным дэструктыўныя рэсурсы распаўсюджвалі афіцыйны парадак дня з акцэнтам, што заявы міністра абароны Віктара Хрэніна нясуць пагрозу («пагражае збіць самалёт НАТА»)».
Падсумоўваючы, Мінабароны налічыла яшчэ 1,355 мільёна узгадак прозвішча Хрэніна ў тэлеграме пасля публікацыі інтэрв'ю. Праўда, незразумела, як палічаная гэта статыстыка.
Але цікавы і сам дакумент. Стваральнікам файла пазначанае «Галоўнае ўпраўленне ідэалагічнай работы». Відавочна, гаворка пра аднайменную структуру ў Мінабароны. Узначальвае ГУІР генерал Леанід Касінскі.
Да гэтага было дакладна невядома, хто вядзе канал «Невальфовіч». Цяпер высветлілася, што гэта супрацоўнікі Галоўнага ўпраўлення ідэалагічнай работы Міністэрства абароны.
А Zver — гэта проста назва пірацкай зборкі Microsoft Office.
«Наша Нiва» — бастыён беларушчыны
ПАДТРЫМАЦЬЦяпер чытаюць
Раптоўна памяняўся кіраўнік Віцебскай вобласці. Прычынай назвалі хваробу 50‑гадовага Аляксандра Рагожніка2
Каментары