Адкрыецца інтэрнэт-крама з вырабамі, зробленымі людзьмі з інваліднасцю
Інтэрнэт-крама з прадукцыяй, створанай падапечнымі сацыяльных устаноў, запрацуе ў сталіцы. Пра гэта распавяла загадчыца аддзялення псіханеўралагічнага дома-інтэрната для састарэлых і інвалідаў № 1 Таццяна Некрашэвіч, пішуць «Мінск-навіны».
Праект гэтай дзяржустановы аб стварэнні інтэрнэт-крамы «інклюзіў-студыя» раней перамог у адной з намінацый конкурсу «105 ідэй для развіцця галіны», абвешчанага Міністэрствам працы і сацыяльнай абароны.
Праект прадугледжвае арганізацыю адзінай пляцоўкі для рэалізацыі вырабаў, створаных людзьмі з інваліднасцю ў майстэрнях сацыяльных устаноў Мінска. Яго мэта — рэабілітацыя і абілітацыя такіх людзей праз уключэнне ў сацыяльнае жыццё грамадства і працоўную самарэалізацыю.
Як распавяла Некрашэвіч, куратар праекта, у майстэрнях дома-інтэрната падапечныя вырабляюць розныя рэчы. З часам стала зразумела: не хапае адзінай і пастаяннай пляцоўкі па іх рэалізацыі.
— Плюс летась мы аднавілі ў дзеяздольнасці пяць чалавек. Цяпер у іх ёсць пастаянная праца, але засталося і жаданне падпрацаваць. Так, узважыўшы ўсё, прыйшлі да высновы: неабходна інтэрнэт-крама, — дадала Некрашэвіч.
Цяпер збіраюць сродкі для рэалізацыі праекта і партфоліо работ розных устаноў. Усе ў адзіным фармаце будуць выстаўлены на сайт. Калі кліент націсне «купіць», чалавек у кожнай установе атрымае заяўку, збярэ заказ і адправіць яго поштай або кур'ерам. Плануецца таксама шырокая рэкламная кампанія, каб любы ахвотны мог дапамагчы падапечным сацыяльных устаноў.
Куратар праекта ўпэўненая ў попыце на прадукцыю. Разлік не толькі на пакупнікоў — фізічных асоб. Напрыклад, да святаў фірмы змогуць замовіць падарункі сваім супрацоўнікам.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары