Грамадства44

Рыгор Кастусёў у вершаваных радках пакінуў тэстамент на выпадак смерці ў турме

17 красавіка былому старшыні Партыі БНФ Рыгору Кастусёву споўнілася 67 гадоў. Ужо чацверты дзень нараджэння асуджаны на 10 гадоў палітвязень сустракае за кратамі.

Рыгор Кастусёў у судзе. Фота: БелТА

Арыштавалі яго тры гады таму, у Дзень касманаўтыкі 12 красавіка. У лістах сваякам палітвязень часта згадвае гэтае супадзенне, не абмінуў ён увагай сумную для сябе падзею і ў нядаўнім пасланні, піша Радыё Свабода.

«Хутка будзе тры гады з таго дня касманаўтыкі… Тры гады. За гэты час пастарэў на тры гады і ўсе не магу прывыкнуць да гэтай пары да свайго выгляду, калі гляджуся ў люстэрка. Не магу ўсвядоміць, што здарылася ў плане здароўя».

У зняволенні, яшчэ ў СІЗА на вуліцы Валадарскага, Рыгор Кастусёў захварэў на анкалогію. Некалькі разоў яму ладзілі абследаванні, прызначалі лячэнне, але аблягчэння ўмоваў утрымання палітык не дачакаўся.

З ПК-22 у Івацэвічах, дзе адбываў пакаранне Кастусёў, у пачатку гэтага года яго перавялі ў крытую турму Гродна.

У пачатку красавіка сваякам палітвязня стала вядома, што яму зрабілі аперацыю — вывелі катэтэр з мачавога пухіта. Паводле зяця палітыка Дзмітрыя Антончыка, аперацыя зняла небяспеку разрыву пухіра, але ўскладніла знаходжанне ў вязніцы.

«Адразу пасля аперацыі Рыгора Кастусёва вярнулі ў камеру», — расказаў ягоны зяць. У апошніх лістах з няволі Рыгор Кастусёў напісаў пра стан здароўя.

«Яму рабілі аналіз крыві, дык паказнікі дрэнныя: у два разы павышаны бялок у крыві. Павялічаныя лімфавузлы. Таксама турбуе варыкоз на нагах. Але ён не любіць пра гэта шмат паведамляць і думаць. Затое працягвае пісаць вершы. Вось прыслаў верш, прысвечаны сваёй роднай вёсцы Цяхцін у Бялыніцкім раёне», — падзяліўся Дзмітрый Антончык і працытаваў верш Кастусёва, які той прыслаў з турмы.

Не забываю тых мясцін,
Што мне даюць натхненне, сілы,
Пад рэдкай назваю Цяхцін,
Ад нараджэння родны, мілы…

У апошніх радках верша Рыгор Кастусёў фактычна пакідае тэстамент на выпадак смерці ў вязніцы.

…Пад шэры камень. Толькі той,
Што ўзяты з родных мне мясцінаў.
І невялікаю плітой,
Дзе бачна, хто каго пакінуў.

@nashanivanews Затрымалі дачку экс-кандыдата ў прэзідэнты Рыгора Кастусёва #беларусь #новостибеларуси #арест #белорусы #минсксейчас #беларускаямова #пабеларуску ♬ Crime Scene - Avery Alexander

12 красавіка 2021 года Рыгора Кастусёва затрымалі супрацоўнікі КДБ у яго дома ў Шклове, а таксама Аляксандра Фядуту і Юрыя Зянковіча, затым іх абвінавацілі ў спробе змову наконт перавароту ў Беларусі. У верасні 2022 года суд прызнаў Кастусёва вінаватым у «змове з мэтай захопу ўлады» і асудзіў на 10 гадоў. Беларускія праваабаронцы прызналі Рыгора Кастусёва палітычным вязьнем.

Каментары4

  • Той самы Пеця
    17.04.2024
    А што там пазнячок, маўчыць цi прапануе захаваць рэжым?
  • Чебаркуль
    17.04.2024
    Вот так всегда.... сами сунут свой нос куда не надо, а потом жалобные письма пишут. А как там Юра Зенькович, тоже вершы пишет?
  • Катрусь
    17.04.2024
    [Рэд. выдалена]

Цяпер чытаюць

Стала вядома, на чым пагарэў геній фінансаў Павел Калаўр25

Стала вядома, на чым пагарэў геній фінансаў Павел Калаўр

Усе навіны →
Усе навіны

«Мы вінаватыя. У гэтай вайне ёсць і наша віна». Журналісты Washington Post пабывалі ў Гомельскай вобласці29

Гірын, Буры і нават Кныровіч адрэагавалі на артыкул пра самую модную пару беларускай апазіцыі41

«Забойства на вуліцы Макаёнка». Штучны інтэлект ці чалавек напісалі новы беларускі дэтэктыў?3

Аэрапорт Львова могуць адкрыць ужо ў канцы вясны3

Здаецца, вызначылася самая модная пара беларускай апазіцыі. Як вам іх пачуцце стылю?115

Пералічыце 1,5% падаходнага на беларускую справу. Інакш дзяржава скарыстае тыя грошы сама20

Чырвоны касцёл у Мінску хутка пачнуць рамантаваць5

У Мінску загарэўся аўтобус3

«Таварышы, канец!»: у Будапешце тысячы венграў пратэставалі супраць Орбана9

больш чытаных навін
больш лайканых навін

Стала вядома, на чым пагарэў геній фінансаў Павел Калаўр25

Стала вядома, на чым пагарэў геній фінансаў Павел Калаўр

Галоўнае
Усе навіны →

Заўвага:

 

 

 

 

Закрыць Паведаміць