Расійскія войскі абстралялі Днепрапятроўскую вобласць. У Дняпры разбураны жылы дом, загінула дзіця
Падрабязнасці пра атаку паведаміў кіраўнік абласной вайсковай адміністрацыі Сяргей Лысак.
У Дняпры часткова разбураны жылы дом, таксама паведамляецца аб пашкоджанні двух інфраструктурных прадпрыемстваў.
У Паўлаградзе пашкоджана адно з прадпрыемстваў, у Сінельнікаве атака закранула 12 прыватных дамоў.
Цяпер, піша Лысак, у Дняпры вядома пра двух загінулых і 15 пацярпелых. У Сінельнікаве і Крывым Рогу пацярпелі яшчэ шэсць чалавек. Адно васьмігадовае дзіця памерла ў бальніцы.
Імаверна, расійскі Ту-22М3 упаў пасля пуску ракет па Днепрапятроўскай вобласці. Мінабароны РФ паведаміла, што Ту-22М3 пацярпеў крушэнне «пасля выканання баявой задачы пры вяртанні на аэрадром базавання». Лётчыкі катапультаваліся, 3 члены экіпажа эвакуіраваны групай пошуку і ратавання, ідзе пошук аднаго лётчыка.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары